ANPM

AUTORIDADE NACIONAL DO PETRÓLEO E MINERAIS TIMOR-LESTE

To be a leading petroleum and mineral regulatory authority in the region & a model for institutional development in Timor-Leste.

ANPM

Avizu Konsultasaun Publiku

Projetu Proposta Kategoria A

Dekretu Lei No 5/2011, Lei Lisensiamentu Ambiental

Konsulta Públika ba Deklarasaun Impaktu Ambiental no Planu Jestaun Ambiental

Projetu Perfurasaun Petróleo iha Munisípiu Covalima

    1. Proponente : Timor Resources Pty Ltd
    2. Fatin : Munisipiu Covalima
    3. Tipu no Tamañu Projetu: Perfurasaun Petróleo iha posu tolu (Karau iha suco Matai, Kumbili iha suco Camenasa, Laisapi iha suco Tashilin) no mos sei iha tan pefurasaun posu kontinjensia rua (2). Tamañu hektar 1 (1 h.a) ba kada posu ne’ebé sei inklui mos asesu estrada, fatin alojamentu no armazem.
    4. Proponente hanesan mensiona iha leten hakarak atu implementa projetu perfurasaun petróleo iha fatin-sira mensiona iha leten.
    5. Tuir Dekretu-Lei no. 5/2011 projetu refere klasifikadu nudar projetu ida ho Kategoria A, no tenke pasa liu husi prosesu Avaliasaun Impaktu Ambiental hanesan espesifika ona iha Lei.
    6. Dokumentus Deklarasaun Impaktu Ambiental (DIA) no Planu Jestaun Ambiental (PJA) ba projetu Perfurasaun Petróleo iha Covalima ne’e agora disponível ba Konsulta Públika.
    7. Dokumentu DIA no PJA sei disponível ba públiku hodi konsulta/haré, liu husi sitio ofisial elektroniku ANPM nian hanesan tuir mai: Kópia eletrónika DIA no PJA bele asesu iha:  http://www.anpm.tl/category/public-consultation/
    8. Hare ba deklarasaun Estado de Emerjensia, kopia dokumentu DIA no PJA sei disponível ba públiku nebe halo kontaktu ba ANPM iha numeru telefone hanesan tuir mai: Numeru telefone: (+670) 7774 5577.
    9. Depois de kontaktu ANPM, ami sei bele prepara kopia DIA no PJA no bele ba haree iha fatin hirak tuir mai:

     

    • Autoridade Nacional do Petroleo e Minerais (ANPM)

    Edifício do Ministério das Finanças, Pisos 6, Apartado 113,

    Aitarak Laran  Dili, Timor-Leste

     

    • Edifisiu Municipal Ministeriu Petroleu e Minerais

    Suku Camanassa, Suai, Município Covalima, Timor-Leste

     

    • Edifisiu ANPM iha Covalima

    Audian, Suku Camanassa, Suai, Município Covalima, Timor-Leste

     

    1. DIA no PJA mos sei disponível ba públiku atu konsulta liu husi oras servisu normal (18:00 to’o 19:30) iha sede ANPM Dili no Covalima. Prosesu ida ne’e so halao deit kuandu ANPM simu telefone hodi marka tempu hodi bele halo konsultasaun.
    2. Kualker membru husi públiku iha direitu atu hato’o komentárius konaba DIA no PJA.
    3. Komentárius ruma konaba DIA no PJA tenke submete ba Autoridade Ambiental (ANPM) liu husi meiu eskrita (bele entrega diretamente iha edifisiu ANPM, no dirije ba Komisaun Avaliasaun, ou karik liu husi meiu elektróniku ( bele haruka ba email sira tuir mai: staff@anpm.tl.
    4. Komentárius hotu-hotu tenki hato’o ba ANPM no Komisaun Avaliasaun husi loron 30 Marsu 2020 to’o 24 Abril 2020.

     

    31 Marsu 2020

     

    José Sarmento

    Sekretario Komisaun Avaliasaun