ANPM

AUTORIDADE NACIONAL DO PETRÓLEO E MINERAIS TIMOR-LESTE

To be a leading petroleum and mineral regulatory authority in the region

ANPM

REKERIMENTU BA PROPOSTA – FORNESE MANUTENSAUN VEÍKULU BA ANPM

REKERIMENTU BA PROPOSTA (RbP)

FORNESE MANUTENSAUN VEÍKULU BA ANPM

ANPM/PROC/RFP/18/003

 LIA MAKLOKEK

Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu lei No. 1/2016, loron 9 Fevereiru, alterasaun dahuluk husi dekretu lei No. 20/2008 loron 19 Juñu konaba Autoridade Nacional do Petróleo, ne’ebé iha responsabilidade atu maneija no regula atividades petrolífera no minerais iha area Timor Leste, iha tasi laran no iha rai maran inklui area konjunta ba desenvolvimentu petrolíferu.

ANPM agora dadaun loke oportunidade ba kompañia Lokal ne’ebé maka kualifikadu atu submete  proposta hodi  fornese Serbisu Hamos Edifisiu ANPM iha Farol.  Kompañia ne’ebé hetan susesu sei fornese serbisu ne’e durante  tinan ida no  iha posibilidade   kontratu  bele hanaruk ba tinan tuir mai bazeia  ba dezempeñu serbisu nian.

Kompañia/Ofisina ne’ebé mak iha interese atu kompete tenki submete proposta ne’ebé komprensivu tuir rekezitu ANPM nian, iha Edifisiu/Ofisina ne’ebé propriu no ambiente ne’ebé diak atu ANPM bele kontaktu, asegura fatin ne’ebé seguru wainhira hala’o manutensaun ba ANPM nia veíkulu, iha ekipamentus kompletu hodi bele hala’o manutensaun.

Kompañia mos iha obrigasaun atu fornese tarefa ne’ebé diak ba Manutensaun Veíkulu nian, aseita faktura pagamentu atu hala’o kada fulan ka baziea ba fornese serbisu ida ne’e, prontu atu atende telefone emerjénsia husi Ekipa Administrasaun no Lojistiku ANPM nian no fo atensaun másimu tuir rekerimentu saúde, siguransa ho meiu ambiente.

KRITÉRIA BA SELESAUN

Kompañia ka Ofisina  ne’ebé iha interese tenke submete informasaun  hanesan tuir mai ne’e:

  1. Iha esperiénsia no kapasidade fornese Manutensaun Veíkulu tuir ANPM nia rekerimentu;
  2. Deklarasaun kompeténsia no kualifikasaun husi pesoál ne’ebé involve iha serbisu ida ne’e;
  3. Proposta metodolojia oinsá atu fornese Manutensaun;
  4. Deklarasaun kona ba konflitu interese;
  5. Proposta programa no oráriu (timeline) oinsá atu fornese Manutensaun Veíkulu nian;
  6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapitál kompañia nian;
  7. Submete deklarasaun afiliasaun ho kompañia seluk – karik iha;
  8. Submete deklarasaun Konta Bankaria (Bank Statement) fulan tolu (3) nian hahú husi submisaun proposta;
  9. Submete estrutura organizasaun kompañia nian.

Nota; Submisaun ba proposta hakerek ho lian Ingles ka Tetun no dukementus sira ne’ebé temi iha  “Kritéria Selesaun” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.

SUBMISAUN BA PROPOSTA

Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Humberto Pereira, Ofisiál Jestaun Sistema Aprovizionamentu no liu husi elektróniku bele haruka ba iha ANPM.procurementbid@anpm.tl ka liu husi koreius ba iha:

Autoridade Nacional do Petróleo e Minerais (ANPM)

Edifício do Ministério das Finanças, Pisos 6 e 7

Aitarak Laran, Dili, Timor-Leste

PO Box 113

ANPM website: www.anpm.tl

DATA NO LORON IKUS HATAMA PROPOSTA

Submisaun ba proposta sei taka iha tuku 4.30 lokraik oras Timor – Leste nian iha loron 27 Juñu 2018. Aplikasaun ba proposta  hatama liu oras no data ne’ebé mak temi ona iha leten sei la konsidera.

INFORMASAUN SELUK

Karik iha perguntas ruma, bele kontaktu mai Edifisiu ANPM  iha numeru +670 73099995 / 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl ka Ofisiál Lojistiku, Sr. Reginaldo Francisco iha reginaldo.francisco@anpm.tl.

Dili, 25 Maiu 2018

Pamela Simões

Jerente Administrasaun no Aprovizionamentu

 

Ps: detallu bele klik iha ne’e.