ANPM

AUTORIDADE NACIONAL DO PETRÓLEO E MINERAIS TIMOR-LESTE

To be a leading petroleum and mineral regulatory authority in the region

ANPM

REKERIMENTU BA PROPOSTA – FORNESE SERBISU MANUTENSAUN BA AR KONDISIONADU NO ELEKTRISIDADE BA EDIFISIU ANPM

REKERIMENTU BA PROPOSTA (RbP)

FORNESE SERBISU MANUTENSAUN BA AR KONDISIONADU NO ELEKTRISIDADE  BA EDIFISIU ANPM

ANPM/PROC/RFP/18/002

 LIA MAKLOKEK

Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu lei No. 1/2016, loron 9 Fevereiru, alterasaun dahuluk husi dekretu lei No. 20/2008 loron 19 Juñu konaba Autoridade Nacional do Petróleo, ne’ebé iha responsabilidade atu maneija no regula atividades petrolífera no minerais iha area Timor Leste, iha tasi laran no iha rai maran inklui area konjunta ba desenvolvimentu petrolíferu.

ANPM agora dadaun loke oportunidade ba Kompañia Lokal sira ne’ebe maka kualifikadu atu submete proposta hodi  fornese serbisu Manutensaun ba Ar Kondisionadu no Elektriku ba Edifisiu ANPM iha Farol.  Kompañia ne’ebé hetan susesu sei fornese serbisu ne’e durante  tinan ida no  iha posibilidade    kontratu  bele hanaruk ba tinan tuir mai bazeia  ba dezempeñu serbisu nian.

Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu ne’ebé própriu no ambiente ne’ebé diak atu ANPM bele kontaktu no mos aseita faktura pagamentu atu hala’o kada fulan ka bazeia ba fornese serbisu Ar Kondisionadu no Elektriku ba Edifisiu nian.

Kompañia mos iha orbigasaun atu fornese tarefa ne’ebé diak, prontu atu atende telefone emerjénsia husi Ekipa Administrasaun no Lojistiku ANPM nian, uza transporte rasik wainhira hala’o serbisu ida ne’e no fo atensaun másimu tuir rekerimentu saúde, siguransa ho meiu ambiente.

KRITÉRIA BA SELESAUN

Kompañia ne’ebé iha interese tenke submete informasaun hanesan tuir mai ne’e:

  1. Iha esperiénsia no kapasidade fornese serbisu Manutensaun ba Ar Kondisionadu no Elektriku tuir ANPM nia rekerimentu;
  2. Deklarasaun kompeténsia no kualifikasaun husi pesoál ne’ebe involve iha serbisu ida ne’e;
  3. Proposta metodolojia oinsá atu fornese Manutensaun;
  4. Deklarasaun konaba konflitu interese;
  5. Proposta programa no oráriu (timeline) oinsá atu fornese Ar Kondisionadu no Elektriku
  6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapital kompañia nian;
  7. Submete deklarasaun afiliasaun ho kompañia seluk – karik iha;
  8. Submete deklarasaun Konta Bankaria (Bank Statement) fulan tolu (3) nian hahú husi submisaun proposta;
  9. Submete estrutura organizasaun kompañia nian.

Nota; Submisaun ba proposta hakerek ho lian Ingles ka Tetun no dukementus sira ne’ebé temi iha   “Kritéria Selesaun” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.

SUBMISAUN BA PROPOSTA

Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Humberto Pereira, Ofisiál Jestaun Sistema Aprovizionamentu no liu husi elektróniku bele haruka ba iha ANPM.procurementbid@anpm.tl ka liu husi koreius ba iha:

Autoridade Nacional do Petróleo e Minerais (ANPM)

Edifício do Ministério das Finanças, Pisos 6 e 7

Aitarak Laran, Dili, Timor-Leste

PO Box 113

ANPM website: www.anpm.tl

DATA NO LORON IKUS HATAMA PROPOSTA

Submisaun ba proposta sei taka iha tuku 4.30 lokraik oras Timor – Leste nian iha loron 27 Juñu 2018. Aplikasaun ba proposta  hatama liu oras no data ne’ebé mak temi ona iha leten sei la konsidera.

INFORMASAUN SELUK

Karik iha perguntas ruma, bele kontaktu ba iha Edifisiu ANPM  iha numeru +670 73099995 / 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl ka Ofisiál Logistiku, Sr. Reginaldo Francisco iha reginaldo.francisco@anpm.tl.

Dili, 25 Maiu 2018

 

Pamela Simões

Jerente Administrasaun no Aprovizionamentu

 

Ps: detallu bele klik iha ne’e.