ANPM

AUTORIDADE NACIONAL DO PETRÓLEO E MINERAIS TIMOR-LESTE

To be a leading petroleum and mineral regulatory authority in the region & a model for institutional development in Timor-Leste.

ANPM

RFP – ANPM Building Maintenance Services

REKERIMENTU BA PROPOSTA (RbP)

FORNESE MANUTENSAUN EDIFISIU ANPM

ANPM/PROC/RFP/21/005

I. LIA MAKLOKEK

Autoridade Nasionál ba Petróleu no Mineral (ANPM,  Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba  Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM,  Lei ba Atividade Petrolífera, Tratadu Fronteira Marítima no mos Diploma Ministerial.

ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu  inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.

 

II. OBJETIVU

ANPM oras ne’e dadaun loke oportunidade ba kompañia Lokál ne’ebé maka kualifikadu iha area konstrusaun civil atu submete proposta hodi fornese Serbisu Manutensaun ba  Edifisiu Eskritoriu ANPM nian iha Farol, Eskritoriu ANPM nian lokaliza iha Tore Ministerio Finansas – Aitarak Laran  no mos fatin ne’ebé sei indika husi ANPM.  Kompañia ne’ebé hetan susesu sei fornese serbisu ne’e durante  tinan ida no iha posibilidade   kontratu  bele hanaruk ba tinan tuir mai bazeia  ba dezempeñu serbisu nian.

Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu ne’ebé própriu no ambiente ne’ebé diak atu ANPM bele kontaktu, iha ekipamentus kompletu hodi bele hala’o manutensaun no iha funsionáriu tékniku ne’ebé bele hala’o knar ho adequadu.

ANPM mos solisita atu fornese tarefa ne’ebé diak ba serbisu manutensaun edifísiu nian,  sasan ne’ebé mak uza tuir kualidade padraun Australia nian ka padraun rekunesidu Internasional, aseita faktura pagamentu atu hala’o kada fulan ka bazeia ba fornese serbisu manutensaun edifísiu nian, prontu atu atende telefone emerjénsia husi Ekipa Administrasaun ka Lojístiku ANPM nian, uza transporte rasik wainhira hala’o serbisu ida ne’e no fo atensaun másimu ba padraun saúde, siguransa ho meiu ambiente.

 

III. AMBITU

Ambitu serbisu manutensaun ida ne’e limiti deit ba Edifisiu no Eskritoriu ANPM ninian, ne’ebe lokaliza ida Municipiu Dili nomos fatin ne’ebe sei indika tuir nesesidade ANPM nian.

Kompañia tenki fornese serbisu kompletu ba serbisu manutensaun edifisiu nian tuir padraun konstrusaun civil, hahu husi fornesementu, mobilizasaun material konstrusaun ba fatin (inklui ekipamentu konstrusaun no pesoal trabalhador/funsionariu sira), fabrikasaun, instalasaun, konstrusaun no konkluzaun, teste no kominisonamentu to’o aseitasaun final.

 

IV. KRITERIA BA SELESAUN

Kompañia ne’ebé iha interese tenke submete informasaun  hanesan tuir mai ne’e:

  1. Iha esperiénsia no kapasidade fornese Manutensaun Edifísiu tuir ANPM nia rekerementu;
  2. Deklarasaun kompeténsia no kualifikasaun husi pesoál ne’ebé involve iha serbisu ida ne’e;
  3. Proposta metodolojia oinsá atu fornese Manutensaun ba edifísiu nian;
  4. Deklarasaun kona ba konflitu interese;
  5. Proposta programa no orariu (timeline) oin sa atu fornese manutensaun ba edifísiu nian;
  6. Submete dokumentus Rejistu Negósiu/Komérsiu Timor – Leste nian inklui deklarasaun impostu no sósiu kapitál kompañia nian;
  7. Submete deklarasaun afiliasaun ho kompañia seluk – karik iha;
  8. Submete deklarasaun Konta Bankaria (Bank Statement) fulan tolu (3) nian hahu husi submisaun proposta;
  9. Submete strutura organizasaun kompañia nian;
  10. Proposta finanseira.

Nota;

  • Submisaun ba proposta hakerek ho lian Ingles ka Tetun no dokementus sira ne’ebé temi iha “Kritéria Selesaun” tenke aneksa tutuir malu tuir nia númeru;
  • Tenke submete Proposta rua, ida ba tékniku no seluk fali ba finanseira, proposta rua ne’e fahe keta-ketak;.
  • Sekarik failla hodi responde ba lalaok selesaun kritéria maka temi iha leten maka sei diskualifika automatikamente.

 

V. SUBMISAUN BA PROPOSTA

Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr.  Nuno Belo Freitas,  Procurement Sourcing Officer   no liu husi sitiu elektróniku bele haruka ba iha ANPM.procurementbid@anpm.tl ka liu husi koreius ba iha:

Autoridade Nacional do Petróleo e Minerais (ANPM)

Torre Minsiterio das Financas Aitarak Laran Dili

Piso 7 ou Rua Direitos Humanos No.1

Aldeia Lirio, Suco Motael, Posto Administrativo Vera Cruz

Municipio de Dili, Timor Leste

PO Box 113

ANPM website: www.anpm.tl

 

VI. DATA NO LORON IKUS HATAMA PROPOSTA

Submisaun ba proposta sei taka iha loron 21 fulan Dezembru 2021,  tuku 4:00 lokraik oras Timor – Leste nian. Aplikasaun ba proposta  hatama liu oras no data ne’ebé mak temi ona iha leten sei la konsidera.

 

VII. INFORMASAUN SELUK

Karik iha perguntas ruma, bele kontaktu mai Edifisiu ANPM  iha numeru +670 73099995 / 73099996 ka email ba iha Jerente Administrasaun no Lojistiku, Sra. Pamela Simões iha pamela.simoes@anpm.tl ka Ofisial Lojistiku, Sr. Reginaldo Francisco iha reginaldo.francisco@anpm.tl .

 

Dili, 19 de Novembro 2021

 

Humberto Pereira

Jerente Aprovizionamentu

 

PS: Favor baixa template ba BoQ hodi klik iha nee.