Komunikadu Imprensa

Baseia ba Lei No. 1/2019, primeira alterasaun ba Lei No.13/2005 kona-ba Atividade Petróleo, Artigu 31, fo poder ba governu atu estabelese  Dekretu-Lei no regulamentu tekniku sira seluk ba aspeitu oin-oin iha operasaun Petrolifera iha area Onshore Timor-Leste; hodi nune’e Governu República Democrática Timor-Leste, liu hosi Ministerio Petróleo e  Minerais (MPM) publika ona Dekretu-Lei Np.18/2020 ba Operasaun Petrolifera iha Area Onshore Timor-Leste.

MPM liu hosi ANPM ho nune’e sei halo sosializasanun ba Dekretu-Lei No.18/2020 ne’ebé sei halao hosi 28/09/2020 to 09/10/2020.

 Objetivu hosi Sosializasaun:

1. Habelar informasaun sira ba publiku, partikularmente ba autoridade local sira kona-ba atu haforsa implementasaun hosi Dekretu-Lei ida ne’e, hodi bele fahe fali informasaun sira neé ba komunidade iha baze;
2. Hamutuk ho autoridade lokal sira hanesan representante ba komunidade durante prosesu konsulta publiku ba regulamentu;
3. Fornese informasaun ne’ebé hanesan ba regiaun sira iha;

Sosializasaun ida ne’e involve mos halo workshop ne’ebé sei halao iha regiaun ne’in (6) iha Timor-Leste mak hanesan:

1. Gleno-Ermera : Sei kobre Munisipiu Dili, Ermera no Liquica
2. Maubessi : Sei kobre Munisipiu Ainaro no Aileu
3. Same Vila-Manufahi
4. Dotik-Alas-Manufahi
5. Suai-Covalima
6. Maliana-Bobonaro
7. Baucau: Sei kobre Munisipiu Baucau, Viqueque, Lautem
8. Natabora-Manatuto
9. Ambeno-RAEOA

Parte interesante sira ba objetivu hosi workshop ida ne’e mak hanesan :

1. Presidente Autoridade sira
2. Administrador Municipiu sira
3. Chefe Suku sira
4. Komunidade jeral

Kopia hosi Dekretu-Lei ida ne’e mos ANPM publika iha Jornal da República  no mos iha ANPM nian website ofisial:

http://www.mj.gov.tl/jornal/public/docs/2020/serie_1/SERIE_I_NO_20.pdf

http://www.anpm.tl/wp-content/uploads/2020/05/Decree-Law-18-2020-Onshore-Activity.pdf

ANPM apresia partisipasaun hotu hodi promove Dekretu-Lei ida ne’e

Ho respeitu,

Florentino Soares Ferreira

Presidente ANPM