REKERIMENTU BA PROPOSTA (RbP)

FORNESE SERBISU IMPRESAUN (PRINTING SERVICES) BA ANP

ANP/CS/PROC/RFP/24/007

 LIA MAKLOKEK

Autoridade Nacionál ba Petróleu (ANP),  Instituisaun Públika (IP), ne’ebé responsável ba jestaun no regulamentasaun atividade petrolífera iha área Timor-Leste nian no mos iha Rejime Espesiál Greater Sunrise nian, hanesan haktuir iha Dekretu-Lei No. 62/2023 loron 6 Setembru, 3º alterasaun Dekretu-Lei No. 20/2008 loron 19 Junhu, kona ba  estabelesementu, Lei Atividade Petróleo, Tratadu Fronteira Maritima.

ANP mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu  inklui esplorasaun (Peskiza), dezenvolvimentu, produsaun, transporte no distribuisaun ba Petróleu no Gás Naturál. ANP mos iha knar seluk hanesan hari’i instituisaun forte ba jestaun petróleu iha Timor-Leste.

ANP oras ne’e dadaun loke oportunidade ba kompañia Lokál ne’ebé maka kualifikadu iha serbisu dezeñu final no impresaun atu fornese proposata ba iha ANP. Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANP nian, iha fatin ne’ebé própriu no ambiente ne’ebé diak atu ANP bele kontaktu no mos aseita fatura pagamentu atu hala’o kada fulan ka bazeia ba fornese serbisu impresaun (Printing Services) nian.

Kompañia mos iha obrigasaun  atu fornese tarefa presu ne’ebé diak no kompetitivu ba serbisu ida ne’e, no mos prontu atu atende telefone husi Ofisial  Administrasaun ka Ofisial designadu  ANP no hala’o serbisu emerjénsia wainhira ANP rekere, uza transporte rasik  no fo atensaun másimu tuir rekerimentu saúde, siguransa no meiu ambiente.

Husu Fonesedor  atu submete presu no lista material sira ne’ebé utiliza ba Serbisu Impresaun (Printing Services) nian hanesan iha aneksu.

SELESAUN KRITÉRIA

Kompañia ne’ebé iha interese tenke kumpre kritéria  hanesan tuir mai ne’e:

1. Iha kapasidade no esperiénsia minimu tinan 2 ba Serbisu fornese Serbisu Impresaun;
2. Deklarasaun kompeténsia no kualifikasaun husi pesoál ne’ebé involve iha serbisu ida ne’e;
3. Proposta metodolojia oinsá atu responde ba ANP nian kritéria;
4. Deklarasaun kona ba konflitu interese;
5. Fornese orariu serbisu/timeline (hahu no ramata) wainhira ANP husu bazeia ba nesesidade ANP nian;
6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapitál kompañia nian nebe maka validu no legalizadu;
7. Submete deklarasaun afiliasaun ho kompañia seluk – karik iha;
8. Submete deklarasaun Konta Bankaria (Bank Statement) fulan tolu (3) nian hahú husi submisaun proposta legalizadu;
9. Submete estrutura organizasaun kompañia nian ne’ebe maka ativu no validu;
10. Proposta finanseira tuir ANP nia Lista sasan (Items List).

Submisaun ba proposta hakerek ho lian Ingles ka Tetun no dokumentus sira ne’ebé temi iha “Selesaun Kritéria” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.

Kompañia ne’ebé mak falha responde ba selesaun kriteria temi iha leten sei la konsidera tama ba iha fazeavaliasaun tuir mai.

SUBMISAUN BA PROPOSTA

Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Procurement Sourcing Officer ou liu husi elektróniku bele haruka ba iha procurement@anp.tl ka liu husi koreius ba iha:

Autoridade Nacional do Petróleo (ANP)

Edifício do Ministério das Finanças, Pisos 6 e 7

Aitarak Laran, Dili, Timor-Leste

PO Box 113

ANP website: www.anp.tl

DATA NO LORON IKUS HATAMA PROPOSTA

Submisaun ba proposta sei taka iha loron 27 Maiu 2024 tuku 4.30 lokraik oras Timor – Leste nian. Aplikasaun ba proposta  hatama liu oras no data ne’ebé mak temi ona iha leten sei la konsidera.

INFORMASAUN SELUK

Karik iha perguntas ruma, bele kontaktu mai Edifisiu ANP  iha numeru +670 73099995 / 73099996.

Dili, 12 Abril 2024

Humberto Pereira

Gerente Aprovizionamentu ANP

Informasaun kompletu bele klik iha ne’e